 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Ja siabra sustreŭ u muzei.
Prymružany viejki ledź-ledź...
Niama ŭ mianie bolej nadziei
Žyvym jaho niedzie sustreć.
...Kab potym imčać elektryčkaj...
...Zatym pasiadzieć na travie...
...Paśla...
Dy nichto nie pakłiča...
A pobač zavieja ravie.
Mnie vytryvać znoŭ daviadziecca,
Siabie ad žalby adarvać.
Tak ź lodu irviecca viadzierca
Ci lod ad sivoha bryva.
Iznoŭ maładziečanskim bokam
Kirujecca čas Kalady.
Marozik namieryŭsia bojki
Iznoŭ nastupić na ślady.
Prastudžanym horłam kaŭtaje
Viatrystuju daleč hudok.
Śpiašyć naprastki – nie kutami –
Zinieła-barvovy radok.
«A u nas la Maładečna,
Adkul budu sam ja rodam,
Lubiać roznyja sustrečy,
Niečakanyja prychody».
Dyk jak ža pavieryć u radaść,
Choć chočacca horyč spałić?
U śniezie zabyta na hradach
Zamierzły słaniečnik staić.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
